Hitskin.com

لما أسرح
بجيب القصةم الاول
فبتزغلل
عيون حلمى وبتحول
وبستدعى القلم يشطب
من الايام
كما المونتاچ
فتفضل صورتك المفرودة
قلب بلاچ
وبطلع من حرج بصة عيون الخلق
بالعودة
فأشوفنى واد على الموضة
رسملك فوق حرير الرملة
سكة بيت
ضحكلك فجأة قال انا جيت
انا الواد خضيتك ونسيتك
بإن البحر بيغرق
فقمتى جريتى ع الموجة
ما قلتيش لأ
ساعتها البحر كان مستنى شبكة ايدى
فى ايديكى
ماهانش عليه يخبيكى
وجابك تانى للكرسى
ماهانش عليا
أصفى الباقى من عودك
فسبتك لما عاد صوتك
انا اللى بعتت لك ورده
تلامس حتة فى خدودك
انا من يومها ما رجعتش عشان ابقى
بجمع فى شتات البيت من الرملة
وماسك وردتك ف ايدى وبتلقى
نسيم البحر واسال موجة عن طيفك
هاتيلى اللى اتشطب من عمرى يا تجينى
خدينى وكبرينى معاكى من تانى
اقولك
نفسى انسانى
فلا يغرك بان الشكل صبيانى
ده اناجوايا قلب اتحنى بالتحنان
وعمرى العقلى الف جنان
فيا ست البشر وان كان
خدينى وقولى على عينىى

» استسلام البطل ! بين الفن الروائي ، والواقعة التاريخية !؟ - يحيى حاج يحيى
» أبيات ومناسبة - يحيى حاج يحيى
» على سطح القمر - مروى يحيى

Hitskin.com

لما أسرح - الشاعر ايهاب يحيى