كيف تتحولي من شجرة الدر الى كرستينا - فاتن فتحي ابو شرخ

كيف تتحولي من شجرة الدر الى كرستينا
عامله حالك ارستقراطية وما بتحكي غير عن الشنيون والكوافير والكراتين
,,وآخر صرعات الميك أب ,
, بتتصنعي وتهزي رموشك الصناعيه قال يعني كلاس وترفعي جبينك مشان تورينا البوتكس والفيلر والبراندات
,,تنزلي صور بالمطاعم عشر نجوم حاطه رجل على رجل والكعب العالي آخر ماركة
ومعروف مين اللي عازمك واهم شي الانسيابية باللغة الانجليزية ..
. زي الخواجات بتلولحي بمفاتيح السيارة ,,,والشاحن العصري وابليس وفاين طالعين من شفايفك عسل قال جاية من النادي بالانكلش بتحكي شروي غروي يعني بنت ناس اكابر ,,
عنك انت تفشخري باسماء اللازانيا والسويا سوس والباشميلا صوري سلفي واحنا قاعدين للضو نتفرج على ,
,كل اكلك على الاتيكيت في طريقة التعامل مع المعلقة والشوكة,,,
بس خلينا نعمل كلاكيت على صور العيلة القديمة طالع منها السيبان
,وصور علب الصفيح اللي واقفين عندها اخواتك بالطابور ليتحممو ,
,,ساقالله على ايام البيوت التنك,
,سبحان مغير الاحوال حارتنا ضيقة والناس عارفة بعض ,,,,
بدها هلا موغات بعد كل هالشرح تروقي مزاجك,,
,بصراحه انا داخلة ارش الصفحه بقصص المتفزلكات اللي ناسييات انو احنا بلد عايشين على مصايب البلاد المجاورة ,
سأرش الصفحه بصور الفقر في بلدي علنا نتعظ اسفه لخدش حياء البسكوتات
------
فاتن فتحي ابو شرخ

» "يا شجرة الدر" - كلمات شمردل
» أنكروا وجهي - فاتن فتحي ابو شرخ
» مناهل فتحي حسن - مقابلة اللجنة - لا ترتحل