Hitskin.com

طول عمرك يادنيا علينا
بتاخدى اكتر مابتدينا
الافراح دايما تخاصمنا
ودايما حزنك ليه مالينا

ليه يادنيا فرحك بيقل
وليه الحزن علينا بيطل
ومرارك دايما علقم
حاسه انه معايا مايمل

هاتى شويه من الافراح
بدلى ليلى بالف صباح
خلى مره الفرح معايا
نفسى اشوف ايامى ملاح

ليه كده دايما لونك غامق
والاحزان معايا من سابق
نفسى الفرح يفضل حبه
والافراح تجينى ع الرايق

خليكى جنبى وماتسيبنيش
الافراح بتروح ماتجيش
كل احبابى فاتونى وراحوا
خليكى وحديكى بقشيش

ليه الفرح معايا قليل
واسهر انا وياه الليل
نفسى الفرح يوم يصاحبنى
وانا راح اعيش وياه واميل

خلى الحزن بعيد مايجيش
ان شاله حتى البس خيش
والصحه تكون عال العال
والاحزان تروح ماتجيش

كل كلام الحزن عرفته
ولا غنيته ولا الفته
دايما جايلى كده ع الجاهز
نفسى اغير ولا اجيب سيرته

بس يا دنيا خلاص نتصالح
ع الافراح بينا ونتسامح
كل اللى جرحونى زمان
قلبى خلاص قال انه مسامح
~~~~~~~~~~~~~~~~
راوية حسن

» على أطراف أوردتي - كلمات راوية جراد
» والله يادنيا
» ( خلاص فهمتك يادنيا )

Hitskin.com

طول عمرك يادنيا علينا - راوية حسن