Hitskin.com

مجلس النواب
كرامتنا العزيزة وكل الأسباب
المرة علينه بغصة اثر غصة
كومة سنين ما غيروا النواب
ولا أهل السياسة الواقع ابصة
كم أيلول مر شكم شهر أب
غرﮔانه الشوارع حفرة لو طسة
لو تمن نقص لو سكرك غاب
والحصة بعدها هيه هل حصة
واحدهم نذل والثاني ﭼذاب
من كثر الﭼذب ما تعرگ الگصة
و بكثر الوعود أتالف كتاب
بس وقت الحقيقة تصير لك قصة
النائب وقت انتخابه أيصير حباب
من أيلوح صوتك دمك ايمصة
كل همه شيحصل ينهب أنهاب
ويكوم رصيده فلوس ويرصه
هو هذا العراق وهيچ ينعاب
من فعل السياسة الطشرت فصه
يول اعرف مقامك أنت تيزاب
تحرگ هالشعب وتبوﮔة يا لصة
الشاعر عماد ياسين مجيد

اهلا بكم معنا اخي الشاعر عماد الشهزي
اسعدنا وجودكم بيننا
واضائت مشاركتكم الاولى المنتدى
فاهلا وسهلا بكم

Hitskin.com

مجلس النواب شعر شعبي للشاعر عماد الشهزي