ليهْ تتأسفْ وإنت حياتي - سلوى على محمد

ليهْ تتأسفْ وإنت حياتي
وإنتَ وِجودي
وصوت لأهَاتي

إِوعى فى لَحظةْ تِنسى مَشاعركْ
دَه أنا حَبيبتكْ أى واللهِ
بِكلْ ما فِيةْ
حَتى كلَامك
وِحروف قلمك
كُتُبِكْ
شِعرَك ْ
حتى قصايد حبُك ْ لِيةْ

إِوعى تُقولها تانى
أنا آآسفْ
أو تكون لِمشاعرى أنا
خَاسفْ

وأنا وِحياةْ مَشاعركْ دِيةْ
لازم أَكونْ شَجرةْ حِنيةْ
وِإن لَزمت ْ
رَاحْ أَكونْ
جِنْيَةْ

تِزرع ْشجرة حُب وِخير
تِروى زهورك
تِجني عبيرْ

وَازرع كُل حُروفك لِيَهْ
تِطرح فُل
وَانْشُر رِيحته ْ
فِى كُل مكانْ
لَجْل بِسرعةْ
يِشمْ الكُلْ.
إوعى تُقول تَانى
أَنا آآسف

ليلة فَرحي هكون قُدامكْ
يمكن أشاركك حتى مَنامكْ

يِمكِنْ أنا مِشْ قَادرة أَعبرْ
بَس ْحَقيقى لِقلبي بَصبرْ.

دايما بَردهْ بَنادى عَليه
ولاقِيك مِشْ سَاكنْ غِير فِيهْ.

عُمر مَشاعرى مَتعرف مُوتْ
وهقولها و بعلو الصُوتْ.
إوعى تقول تانى أنا آآآسف

بقلمى سلوى على محمد

» كم أحبك أبي - سلوى محمد علان
» تقتحم خلوة أفكاري - سلوى محمد علان
» حياتي - كلمات سحر الربيع