Hitskin.com

سجال التحدي بين الشاعرين
خالد الأعور × لبوة مصطفى
مع مشاركة رقيقة من الصديق
أسد غندور على شات القيادة
للهيئة الثقافية الوطنية...
خالد:
منتور هرهر وراقك طلة الحلوة
ورشوا مية زهر مارقة لبوة
رح كون بكرى انا واسد غندور
منشرب مية ورد او مية زهور
او عكسها شي متفجرة عبوة
لبوة:
سكة السلامة الله معكن
لا بدنا غزل ولا منشجعكن
ان شربتو مي الورد
نهر الحلا ما بيشبعكن
لبوة:
حرفك مهتري ومهرهر
و ع ورق التوتي منشور
وان كنك شاعر منبر
رد عليي بهالمنشور
خالد؛
نحنا منملك قلب كبير وعليكم في طولة بال
حتى ما نفلفل بكير
مش ضروري شد حبال
لبوة:
شد الحبل ولا ترخيه
نحنا اقوى من الحبال
عليي حرفك لا تهديه
محسوبتك أخت الرجال
خالد:
قالو في واحد هربان
ب سكر شارع وحدو
كبير وعقلو خربان
مش رح تعرف شو بدو
ليوة:
هربان وخايف يطل
مش قادر ليي وحدو
لما حروفي عليك تهل
مية قلم بيتحدو
أسد:
ما بدنا اياكي اخت الرجال
بنا اياكي وردة مفتحة ما بتخطر على البال
بدنا انوثة ناعمة تحلي المقال
بدنا الحلى والنعومة والجمال
بدنا طلة اميرة مالها مثال
بدنا الحب والتفاهم ووحدة الحال.
لبوة:
لازم ابقى سور عالي
والناس تهاب خيالي
حتى ان غابت شمس الشعر
تتباهو بإسمي الغالي
خالد:
لابس درع ونازللك
وبايدي وردة حمرة
يا علامة بحطللك
يا بفل بقلبي جمرة
خالد:
انت كل يوم بخاطر
ومعك مكسور الخاطر
قولي الله بيمشي الحال
وانا جوابك ناطر
لبوة:
فيك تنازلني ويا ريت
بتقدر تطلع معي راس
بس الحبر بقلمك زيت
ما بيقدر يكتب كراس
خالد:
نحنا بالشعر عماليق
وبعرف ما فينا ليكي
الفرجة بتجي بعد الضيق
الله يساعدنا عليكي
لبوة:
الله يسهلك يا خي
مرة عتم ومرة ضي
حسبتك شاعر من الكبار
طلعت ملطى بحرفي في
خالد:
قهارة وما عندك حل
ما منعرف شو ناطرنا
منجبلك ياسمين وفل
وانت مكسري خاطرنا
لبوة:
خاطرك ع راسي مجبور
ولا برضى تبقى مقهور
تقدر تتحداني
جبر حرفك المكسور
خالد:
قنبلتك هل موقوتي
ما بعرف وقتا بالظبط
عنا هوني في توتي
فيها بدك شد و ربط
لبوة:
عليي ما فيك تتغاوى
و لا بالشعر تتقاوى
حربوقة وعضمي قاسي
و رضعاني من بنت آوى...

» سيد القصر - لبوة يوسف مصطفى
» خريف العمر - لبوة يوسف مصطفى
» ذات سجال - مؤمنة بعاج

Hitskin.com

سجال التحدي بين الشاعرين - خالد الأعور × لبوة مصطفى