احنا اللي دفعنا التمن - مصطفى السلماوي

احنا اللي دفعنا التمن
مصطفى السلماوي
من يوم 3 نوفمبر لحد الان وانا باسأل نفسي .. هيه الحكومة او محافظ البنك المركزي كانوا عارفين ان الاسعار هتولع لان الجنيه ضعف في عهدهم لانعدام الانتاج الحقيقي …..شوف يا سيدي المحافظ حسم الامر في تصريح لقيتو بالصدفه وقالوا امام الجميع وسط تصفيق واعجاب من كل المسؤولين ….المحافظ بيقول يا اما كنا ندعم سعر الصرف وتضل الاسعار معقولة وبكده ندين الدولة يعني تقترض ،واما نعوم الجنيه وترتفع الاسعار والشعب يدفع التمن…..
باختصار الشعب فعلا هوه اللي اتحمل ودفع الثمن .. دفع تمن ايه ؟
…….
@@دفع تمن حكومة او حكومات فشلت في حل دعم العمله الوطنيةً
@@دفع تمن عجز الحكومة عن زياده الصادرات بعد ما شافت مصانع بقت خرائب مقفوله كانت بتصدر كتير
@@دفع تمن سحب العمله الاجنبيه عشان يمول تفريعة ليس لها اي قيمة اقتصادية والان خط حديد الصين اوروبا هيأثر كتير علي القناه الاصليه
@@دفع تمن فتح باب الاستيراد علي مصراعية دون حسيب او رقيب
@@دفع تمن عقول اتربت ونمت واتعلمت علي يد خبراء صندوق النقد والبنك الدوليين في الضغط علي الفقراء
@@ دفع تمن سياسات عشوائية تسببت في خفض الانتاج المحلي رغم الزياده السكانية
@@ دفع تمن دوله تلقت 50 مليار دولار وبدل ما تبني اقتصاد دمرته ورحت اقترضت كمان
@@دفع تمن النفاق اللي بيقوده مجموعة من المصريين وهبوا نفسهم للدفاع عن الباطل وفي بيوتهم بيصرخوا وكلهم بقوا عندهم شيزوفيرنيا
… ده التمن اللي دفعناه في التهاب الاسعار وده يؤكد
١- ان مهما الجنيه انهار المركزي موش هيدعمه
٢- ان التعويم تعويم حر بالكامل وده ينذر بمزيد من ارتفاع الاسعار في ظل السياسات الاقتصاديه العشوائية
… بقت نقطة واحده لسياده المحافظ حملت الشعب التمن ورفضت توقف انهيار الجنيه امال عشان ما تقترض وتدين الدوله امال التقرير الاخير بيقول ايه ،،،؟؟؟ الديون الخارجية والمحليه زادت .. يعني ذريعة وقف الاقتراض انت بنفسك كذبتها بارقامك الاخيره
#وطن_العك_الاقتصادي
#الشعب_يدفع_ثمن_الفشل_ارتفاعا_بالاسعار
#محافظ_المركزي_يناقض_نفسه_بارقامه

» في عطوة مصطفى ناصر الشلودي - احنا ما بنهدد الجاهة
» هو احنا صحابه
» عينة من ظلم الانظمة - فيلم احنا بتوع الاوتوبيس