شاف البحر ظلّلا - هيام عوض

موضوع: شاف البحر ظلّلا - هيام عوض 2018-06-06, 9:16 pm

في اللقاء الأول ل أصدقاء ملتقى رابطة الأدب العربي بطرطوس هبت نسائم الحروف والكلمات ..
وكان الشعر محكي……

شاف البحر ظلّلا
ب مواج عم تعلا
متهيب يقلّا
فيكِ الحلا بيحلا

قال البحر ما قال
راح البحر يسأل
عنّا وعن اسمى
كان الجواب مكلل برسما..
حورية هيّ
والاسم موّال..

رجلين مسبوكة سبك
كرجة حجل هالشط يتغنى ..
والرمل محتال

ياهالخصر ل معلّق برسما..
شوهالحلا موّال من جسما..
متل الورد بتميل ع النسمة
ياهالهوى ميّال

طرطوس ياجرة عشق
لوحة عَ باب البال
قهوة صباح مطرزة
ومعطرة بالهال
----
هيام عوض

» يا ليت - هيام جبر
» رحلة إلى قاع البحر
» البحر - نجاة رفيس