(( دار المسنيــــــن / البيت الجديد ؟!!! )) - زينات القليوبي

(( دار المسنيــــــن / البيت الجديد ؟!!! ))
ـــــــــــــــــــــــــــــــــــــــــــــــــــــــــــــــ
ليست مجرد قصيدة بل :
صرخة في وجه الضمير المُغيب
بالجحــــــــــود والنكـــــــــــــران ؟!!!
ــــــــــــــــــــــــــــــــــــــــــــــــــــــــــــ
بتـّلم ليه ..
الهدمتين والطرحتين والشبشبين ؟!!!
ماتقوللي ياابني .. واخدني فيــــن ؟؟؟
...
( علي بيت جديد ) ؟!!!
مين اللي قال أنا عايزه يا ابني
بيت جديــــــد ؟!!!
ما انا ليّ بيت ؟؟؟
هوّه انا يا ابني اشتكيت ؟!!!
...
البيت .. دهه
أنا عشت فيه خمسين سنـــــه
مش عايزه غيره أي بيت ؟؟؟
إسأل بــــــــــلاط الأرض ؟؟؟
وأســـــــأل كـــــــل حيـــــــط
أنا جيت عروســـــــه صغيره
وقعدت فيه لمّــــــا .. إتحنيت
مااعرفـش غيره أي بيـت ؟!!
...
أنا عشت ياابني سنين .. هنا
وأتمني أموت برضك هنـــــا
علي فرشتي .. ومخدتــي ..
والبطانيه واللحاف
أفتح عينيّ كل يوم .. وأقفل عينيّ كل يوم
( علي إيد أبوك بتضمني ف صورة الزفاف )
بتدّفي قلبي وتحضنه
ف سنين عجــــــاف
وانا عارفه ياابني ان خدتني البيت الجديد
!!! أنا رايحه أخاف
وانا ياابني مش عاوزه أخاف !!!
...
ف الأوضه دي أنا لسّه عايشه ويّا ابـــوك
( عمري اللي فاااات !!!)
أصل الحبايب لو .. سابوك
بيعيشوا .. فيــك
((بالذكريااااااااااااااااات ))
خليني ياابني .. ويّــا أبـــــوك
أصحي .. وآباااااااااااااااااااات
واعيش معاه باقي السااااااعات
واشم ريحته .. ف الحاجااااات
( مين اللي قالك .. إنه مـات )
؟!!!
لسّّّه " البِدل " جوّه .. الدولاب
جنب السرير أخـــر .. كتـاب
ولسّّه سجادة الصـــلاه..
والسبحة فوقها منـــوّره
ولسّّّه بااسمع ضحكته وسط السكاااات !!!
...
أنا عايشه ياابني
بحاجـــــــة أبوك .. متونـّســـه
وبدخلتك ويّا العيال .. متونّسه
( وانا عارفـه ياابني )
ان خدتني البيت الجديد
رايحــــــــــه .. أتنسي
وانا يا ابني مش عاوزه أتنسي ؟!!
...
فإن كنت محتاج .. الوســــــع
لاجل .. العيــــال ؟؟؟
هات العيـــــال
انا عندي ياابني .. سرير كبير
ح ارقد علي حرف السريـــــــر
( واسيب لهم باقي .. السرير )
وان كنت محتاج .. السرير ؟؟؟
خد السريـــر !!!
( إن شالله أنام فوق الحصير )
لكن أنام وسط الأمـــــــــان !!!
خليني ياابني .. وسطهــــــــــــــم
قدّرني ( واحــــــــــــــده ) منهـم
باقي الزمان .. وماهوش كتير ؟؟؟
( وحياتك أنت ؟!! ..ماهوش كتير )
...
أنا مش ح اعيش أدّ اللي عيشتــــــــه
( ولا نفسي أعيش بعد اللي شُفتـــه )
؟!!!
...
كمّّل جميلك .. !!!
( واستـــــــــــر الباقي ف حياتي )
؟!!!
أناعمري ياابني قصاد .. عينيك ..
( فرّطت ف أمـــــــي أو حماتـي )
؟!!!
لو كان دا منّي ف يوم حصل ؟؟؟
أنا كنت اقول ..
باخـــــــــد جزاتـــي ؟!!!
...
ماتقوللي إيه
خلاني ياابني .. أهون عليك ؟؟؟
وساحبني .. ويّا .. الهدمتيـــــن
رايح
تسلمني .. بإيديــــــــــــــــــك ؟!!!
فرّطــــــــــــــــت ف .. أمك ؟!!!
قوللي ليه ؟؟؟
أنا عمري يوم .. فرّطت فيك ؟!!!
...
( إن كان علي ضيق المكــــان )
ما انا قلتلك خد .. السريــــــر !!!
( وإن كان علي ضيق المعيشه )
( أبوك سايبلي معاش كبيـــــــر )
قسّمته يا ابني من زماااان
النص
( ليـــــــــــــــــــــــــك )
و الربع
( مصروف العيااااااال )
والباقي
( مصروف الدوا )
لكن
خــلاااااااااااااااااااص
ـــــــــ
( وحياة عينيك )
( ما عاد ح يلزمني .. الدوا )
...
خد .. المعاش
؟؟؟
( كل المعـــــــاش )
!!!
لكن
بــلااااااااااااااااااااااااش
( ترميني ف البيت الجديد )
واحس إن
ربايتــــــــــــــي
فيك
رااااااااااااااااحت
( بلاااااااش )

» من هم أهل البيت؟ (ج1)
» البيت المسلم
» تفسير اية واذ جعلنا البيت مثابة للناس