الشاعر المصري الكفيف، صلاح عبدالله الشهير بـ"صلاح الشواف" يطالب الراقصة دينا المصري بالترشح لرئاسة مصر ... بهذه القصيده

الشاعر المصري الكفيف، صلاح عبدالله الشهير بـ"صلاح الشواف"
يطالب الراقصة دينا المصري بالترشح لرئاسة مصر ... بهذه القصيده

إلى دينا الراقصة.
رشحي نفسك يا دينا...أنت أنسب واحدة لينا...
أنت أنسب واحدة لينا...
أنت أنسب واحدة طبعا...
في الزمان ابن الذين...
أنت هاتهزي الوطن دا بإلي فيه...
وإن تقِل دين البلد هاتخففيه...
واقتصادنا النايم أنت توَقَّفيه...
وإلي مات من جوعه بكرة م الشبع يعرق طحينة...
رشحي نفسك يا دينا...
الفقير هايعف ويبَطَّل يلَقَّط...
وأنت هاتخلي الدول تدخل تنَقَّط...
وإلي كان نعسان وكان قاعد يسَقَّط...
بكرة هايفرفش وصوته يبقى أعلى من السرينة...
رشحي نفسك يا دينا...
رشحي نفسك هاتبقي...
أحسن المترشحين...
رقصهم فَرَّق. ورقصك...
وحد المتفرقين...
خلي كله يدوب في كله...
لجل ما ننسى إحنا مين...
الشيوعي بهزة منك...
يبقى إخوان مسلمين...
وإلي إخوان يبقى شيعي.. والبلد تصبح عجينة...
رشحي نفسك يا دينا...
طب وديني أنت أحسن لينا من موسى وشفيق...
رقصهم دا كدب. وأنت بترقصي بحق وحقيق...
هما بكرة يضيقوا لنا كل واسع. وأنت بكرة توسعي لنا كل ضِيق...
مين يقول نقلة زبالة. زي صفقة فخفخينة!!!...
رشحي نفسك يا دينا...
أنت آخرك ترقصي وتتصوري...
مستحيل راح تكذبي وتزوري...
مستحيل هاتوَقَّفي عيل بصورتك ع الطريق...
مستحيل راح تشتري الأصوات بسكر أو دقيق...
أنت أحسن ألف مرة م إلي هايبيعوا القناة ويبيعوا سينا...
رشحي نفسك يا دينا...
رشحي نفسك هاتبقي. في البلد صاحبة سعادة...
وإلي بيطبطب ويحضن. يبقى أحسن ألف مرة م إلي بيدوس ع الخلايق بالبيادة...
إلي صدق كدب نفسه. وخلى سفك الدم عادة...
إلي لجل الكرسي خلى البلطجية يطيحوا فينا...
رشحي نفسك يا دينة...

» ما قيمة القصيده - الشاعر منير علوان
» تحت شعار انهم ضد الاخوان مش ضد الدين كان هذا الفيديو - الراقصة مرسي
» بيان من الدكتور/ محمد مرسي رئيس حزب الحرية والعدالة والمرشح لرئاسة الجمهورية