كان نفسي نكون أنا و إنتَ جيران_زهرة النرجس

كان نِفسي نكون أنا و إنتَ جيران
كان نفسي القَلب يعيش فـ أمان
مِش أصحى و أنام بلعَن مسافات
و أشتاق للنظرة و للهمسات
كان نفسي تكون فـ القُرب تبات
و الفاصِل بينا يادوب جُدران
مش أرَض طويلة و بُعد كبير
و أسهَر ,, و أشتاق ,,
و أغضَب و أغير
و أخاف مِن توهتَك فـ المشاوير
و أتعَب مـِ اللف و مـِ التدوير
على صورة تبَرد نار الشوق
انا وجعي ميفهمهوش مخلوق
غير اللي حبيبهُ سافرها بلاد
لازِم للُقانا نعِد ميعاد
عارِف انا بكره أي بعاد
و بحس فـ بُعدَك بالأحزان
و بحِس بإن فـ أي طريق ,,
فيه بَحر و سَد و مية سجان
كان نفسي يادوبَك أزُق الشيش
و أنادي عليك ,, تظهَر و تبان
كان نفسي بجد و كان نفسي
كان نفسي نكون أنا و إنتَ جيران

سلمت الايادي

» اشتاقت نفسي الي نفسي وانا طفلة - وعد خالد
» ميلاد زهرة النرجس قصيده رقم (2)_زهرة النرجس
» ميلاد زهرة النرجس قصيده رقم (1)_زهرة النرجس