ملوش لازمة - كلمات الشاعرة المصرية صفاء محمد

مالوش لازمة
أدوب شعرى فى الأحداث
ولا اصرخ م الألم تانى
لأنى كل يوم مِنداس
وهتفرج على هيفا
وع النساس
مالوش لازمة
وهضرب شعرى بالجز.....
ولو جانى أمل فى الحلم
هستغفر
واقول وسواس
وهتحمل
وانا بالفقر هتجمل
واغالط نفسي واحبسها
ف قلب ازاز
مالوش لازمة
ف حالى لو هيتألم
هقوله بكره تتعلم
ف يخرس لو هيتكلم
.........................................
مالوش لازمة
ماليش فى الدنيا غير هدمه وحيط بيلم
وعيل لو يكلمنى عن الدنيا
هقوله اتلم
وتمشي بينا جنب الحيط
لان الكلمة لو تهمس
ف قلب حويط
وأكدبنى
واقول جايز
اشوف بكره
أمل عايز
يكونله بيت
مالوش لازمة
وانا بالفقر هتجمل
واغالط نفسي واحبسها
ف قلب ازاز
ولو جانى أمل فى الحلم
هستغفر
واقول وسواس

» وقولي ليه بعيد عنى - كتبته الشاعرة المصرية / سامية سيد
» المفكر القومى محمد سيف الدولة يكتب : الثورة المصرية وفلسطين
» مازال - كلمات الشاعرة الام