Hitskin.com
2024-11-08, 10:09 pm من طرف محمد بن يوسف الزيادي
رسالة خاصة جدا الي الرئيس السيسي !!
“واحدة كاتبة :
حاسه اني غلطت في الرئيس السيسي وحبيت اكتب البوست دة عشان اكفر عن ذنبي..
بص يا ريس انا عارفه انك مكنتش طمعان في الحكم ولا كنت بتتآمر انت والمجلس العسكري ولا خلعت مرسي وواثقه تماما إن يوم 30/6 كانت مظاهرات عفوية ضد الاخوان ومش مدبرة
زي ما انا واثقه ان 3/7 عودة دولة مبارك! ومكنتش ثورة شعبية وانت قائدها وأنك حميت البلد وانك زي ما قلت اننا نور عينيك ومصر اوووم الدنيا وهتبقي ااااد الدنيا
بس اللي حصل ان الشعب طلع غبي ومش فاهمك ولا يستاهلك تحكمه ياريت بقي يا ريس لو سمحت يعني تسلمنا البلد تاني بس بالدولار ابو 7 جنيه وبالجزيرتين تيران وصنافير وبالديون الخارجية اللي كانت 35 مليار دولار مش 60 مليار وبالدين الداخلي اللي كان ترليون مش 4 ترليون وبالشباب اللي ماتو سواء مدنيين او عساكر وضباط فى سيناء فى حرب لاناقة لنا فيها و لا جمل لتهجير أهل سيناء و عمل منطقة عازلة علشان خاطر عيون إسرائيل.
وياريت كمان يا برنس تلغي اتفاقية عنتيبي مع اثيوبيا ! احنا عاوزين نعطش متشغلش بالك وبالمرة كمان تلغي اتفاقية ترسيم الحدود البحرية اللي طار فيها حقول البترول المصرية وراحت لقبرص وخلي حدودنا البحرية سداح مداح احنا هنعرف نرسمها متخفش علينا .
وياريت بالمرة ترجع لفرنسا الكم طيارة رافال ( أغلى طائرة فى العالم و ثمن الواحدة 100 مليون دولار ) وكفاية علينا ال 16 – F احنا ناس دقة قديمة و مش وش نعمة. و حاملات الطائرات الفرنسية اللى ثمنها 3 مليار دولار اللى ممكن بصاروخ أكسوزيست صناعة فرنسا برضه ( ثمنه مليون دولار بس ) تتضرب فى ثانية.
اة وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر.
اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاع الجمبري ياريت تلغيها احنا شعب معدته واخدة ع الفول والطعمية والكشري ومنعرفش شكل الجمبري كتر الف خيرك ونوفر الكم مليار بتوعهم يا برنس .
والمفاعل النووي اللي روسيا هتعملة بقرض طويل الاجل 29 مليار دولار ياريت يا برنس يتلغي هو كمان احنا شعب بتغرق محافظاته من شوية مطر والناس بتموت في الشوارع غرقانة او متكهربة من تهالك البنية التحتية مش ناقصنا مفاعل نووي يمحينا من ع الخريطة.
اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم. وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها.
وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر بعدك ….”
“واحدة كاتبة :
حاسه اني غلطت في الرئيس السيسي وحبيت اكتب البوست دة عشان اكفر عن ذنبي..
بص يا ريس انا عارفه انك مكنتش طمعان في الحكم ولا كنت بتتآمر انت والمجلس العسكري ولا خلعت مرسي وواثقه تماما إن يوم 30/6 كانت مظاهرات عفوية ضد الاخوان ومش مدبرة
زي ما انا واثقه ان 3/7 عودة دولة مبارك! ومكنتش ثورة شعبية وانت قائدها وأنك حميت البلد وانك زي ما قلت اننا نور عينيك ومصر اوووم الدنيا وهتبقي ااااد الدنيا
بس اللي حصل ان الشعب طلع غبي ومش فاهمك ولا يستاهلك تحكمه ياريت بقي يا ريس لو سمحت يعني تسلمنا البلد تاني بس بالدولار ابو 7 جنيه وبالجزيرتين تيران وصنافير وبالديون الخارجية اللي كانت 35 مليار دولار مش 60 مليار وبالدين الداخلي اللي كان ترليون مش 4 ترليون وبالشباب اللي ماتو سواء مدنيين او عساكر وضباط فى سيناء فى حرب لاناقة لنا فيها و لا جمل لتهجير أهل سيناء و عمل منطقة عازلة علشان خاطر عيون إسرائيل.
وياريت كمان يا برنس تلغي اتفاقية عنتيبي مع اثيوبيا ! احنا عاوزين نعطش متشغلش بالك وبالمرة كمان تلغي اتفاقية ترسيم الحدود البحرية اللي طار فيها حقول البترول المصرية وراحت لقبرص وخلي حدودنا البحرية سداح مداح احنا هنعرف نرسمها متخفش علينا .
وياريت بالمرة ترجع لفرنسا الكم طيارة رافال ( أغلى طائرة فى العالم و ثمن الواحدة 100 مليون دولار ) وكفاية علينا ال 16 – F احنا ناس دقة قديمة و مش وش نعمة. و حاملات الطائرات الفرنسية اللى ثمنها 3 مليار دولار اللى ممكن بصاروخ أكسوزيست صناعة فرنسا برضه ( ثمنه مليون دولار بس ) تتضرب فى ثانية.
اة وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر.
اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاع الجمبري ياريت تلغيها احنا شعب معدته واخدة ع الفول والطعمية والكشري ومنعرفش شكل الجمبري كتر الف خيرك ونوفر الكم مليار بتوعهم يا برنس .
والمفاعل النووي اللي روسيا هتعملة بقرض طويل الاجل 29 مليار دولار ياريت يا برنس يتلغي هو كمان احنا شعب بتغرق محافظاته من شوية مطر والناس بتموت في الشوارع غرقانة او متكهربة من تهالك البنية التحتية مش ناقصنا مفاعل نووي يمحينا من ع الخريطة.
اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم. وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها.
وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر بعدك ….”
