Hitskin.com
اليوم في 2:16 am من طرف محمد بن يوسف الزيادي
ما يحدث خلف الستار في دولة العفن
“”””””””””””””””””””””””””””””””””
الناس مستغربة موضوع مصنع لبن الأطفال اللى اثاره عمرو أديب أمبارح، وقال إنه يقدر يغطى احتياجات مصر من اللبن.
المصنع بيعمل لبن ممتاز، لحديثي الولادة والرضع والأطفال لحد سن 3 سنوات، طب كان مختفى فين؟ وليه كنا بنضطر نستورد من بره؟
وزارة الصحة قفلت المصنع من 12 سنة بحجة عدم مطابقته للمواصفات، وبعض الألبان كان بتتسرب في السوق والناس بتشتريها، واللبن بتاع المصنع ده كان بيتصدر لهولندا ويتباع هناك، لكن، في 20 يناير اللى فات، اللواء محمد العصار وزير الدولة للإنتاج الحربي، وقع بروتوكول مع الشركة لإنشاء مصنع “لبن أطفال” لتلبية الاحتياجات المحلية. ومن ساعتها وهما بيجهزوا المصنع ده، لحد امبارح ما الحج عمرو أديب -مذيع الدولة- قرر إنه “يفجر القنبلة” في وجه الرأى العام ويقولهم “مااحنا عندنا مصنع أهو ياجماعة.. بلاش نستورد بقى”.
المصنع ده تابع لـ”اكديما”.. الشركة اللى بتمثل البيضة الدهب للمسؤولين اللى بيخرجوا على المعاش، رأس مالها في 2011 كان حوالى 3مليار جنيه، وبعض العاملين فيها تقدموا ببلاغ للنائب العام بعد الثورة، في رئيس مجلس إدارتها الدكتور عوض تاج الدين وزير الصحة في حكومة نظيف.
اكديما عندها حوالى 20 شركة، منهم شركة لاكتومصر، بيرأس مجلس ادارتها في الوقت الحالى الدكتورة “ألفت غراب”، اللى كانت ماسكة فاكسيرا مصر، واللى بتحظى بدعم مباشر من السيسي واللى حواليه.
اللبن اللى هيطلع من لاكتومصر هيكون برعاية وزارة الإنتاج الحربي، حسب البروتوكل اللى تم توقيعه في يناير اللى فاتت، رغم إن لاكتومصر مش محتاجة رعاية من حد، لأن عندها خطوط انتاجها ومصانعها ومعدتها ومهندسيها، بس الشرط كان “لو عايزين تنزلوا اللبن مصر، هندخل معاكم في السبوبة، أما هنقفل المصنع ونقول إن اللبن مزرنخ”.
اللبن القادم سيكون برعاية القوات المسلحة، وتحت شعار تحيا مصر.
