من العامية الجزائرية ( شعبي ملحون)
(أنا الشاوي) مهداة لكل إخوتي الأمازيغ
بمناسبة ( يناير) الفاتح من السنة الأمازيغية 2969.
أَنَا الشّاوِي وَلدَ الدُّوَّارْ
وَلدَ الخَيْمَة وَ الأَحْرَارْ
أَنَا رَاجَلْ وَ فْحَلْ نْدَاوِي
كُلَّ اللِّي جَانِي مَضْرَارْ
أَمَازِيغِي نَذْبَحْ بْرِيشَة
كُلَّ اللِّي يَنْوِي لَخْطَارْ
تَعْرَفْنِي لَجْبَالْ الخَضْرَا
بَرَّ ابْحَرْ وُ زِيدْ أَصْحَارْ
--------
أَنَا وَلْدَ الكَاهِينَة الحُرَّة
يُوغُرْطَهٰ و الأَصْلَ انْوَارْ
سَقْسِي عْلِيَّا كُلَّ اصْحَابِي
تَعْرَفْنِي مَنْ دُونَ اسْرَارْ
أَسْأَلْهُمْ وَ اسْأَلْ جِيرَانِي
وَ اسأَلْ كَلَّ اغْرَابَ الدَّارْ
تَعْرَفْ أَصْلِي تَعْرَفْ فَصْلِي
تَفْهَمْ أَنِّي وَلْدَ اخْيَارْ
--------
أَنَا لِّي بَرْنُوسِي يَتْكَبَّرْ
مَنُّو كُلَّ الدَّنْيَا تْغَارْ
أَنَا لِّي كُلَّ النَّاسَ احْبَابِي
وَلِّي عَادَانِي يَحْتَارْ
أَلْفَرْسَهٰ تَهْوَى بَارُودِي
نْمُوتْ وُ مَا نَحْمَلْشَ الْعَارْ
وَ لِّي نْمَسُّو يُسْكُتْ حَسُّو
يَرْكَعْ كِي سَاقَ النَّوَّارْ
--------
وَرْدَ مْقَطَّرْ وِيزَ مْعَيَّرْ
كُلِّي إقْدَامْ وُ إصْرَارْ
فُمِّي مَا يَنْطَقْ بَالعِيبْ
وُ قُولِي كُلُّو بِيتَ اشْعَارْ
كِي نَهْدَرْ نُذْكُرْ بَالْخِيرْ
وُ نُشْكُرْ رَبِّي بَالقُنْطَارْ
بَصَّحْ لَا بَانُوا نِيبَانِي
أُسْتُرْ! أُسْتُرْ يَا سَتَّارْ
---------
بَدْوِي نَعْشَقْ فَالبَرْبُوشَة
نَشْتِي نَاكُلْ فَالفُخَّارْ
نَهْوَى الزَّرْبِيَّة المَفْرُوشَة
وَ رْفِيسَ الرَّنَّة وَ الحَارْ
كِي تَطْحَطَّ الْمُولُوخِيَّة
بَالْأَرْنَبْ كُلِّي نَنْهَارْ
مَانِي مُكْرَاشْ وُ لـَٰكِنِّي
نَعْشَقْ مَكْلَاتْ الدُّوَّارْ
---------
حُرُّ وُ كُلَّ عْبَادَ الدَّنْيَا
خُوتِي مَا عَـٰدَا الْكُّفَّارْ
تَلِّي، ظَهْرِي، عَرْبِي، شَاوِي
خَابَ لِّي فَرَڨْ لَحْرَارْ
خَاوَا حَتَّى كُونْ يْمُوتُ
وُ يَتَّحْرَڨ، غَدْوَا بَالنَّارْ
مُوتُوا مُوتُوا يَا عَدْيَانِي
بَالغِيرَه وْ ضغْطَ الدَّمَّارْ
---------
فريد مرازقة - 10 جانفي 2018
(أنا الشاوي) مهداة لكل إخوتي الأمازيغ
بمناسبة ( يناير) الفاتح من السنة الأمازيغية 2969.
أَنَا الشّاوِي وَلدَ الدُّوَّارْ
وَلدَ الخَيْمَة وَ الأَحْرَارْ
أَنَا رَاجَلْ وَ فْحَلْ نْدَاوِي
كُلَّ اللِّي جَانِي مَضْرَارْ
أَمَازِيغِي نَذْبَحْ بْرِيشَة
كُلَّ اللِّي يَنْوِي لَخْطَارْ
تَعْرَفْنِي لَجْبَالْ الخَضْرَا
بَرَّ ابْحَرْ وُ زِيدْ أَصْحَارْ
--------
أَنَا وَلْدَ الكَاهِينَة الحُرَّة
يُوغُرْطَهٰ و الأَصْلَ انْوَارْ
سَقْسِي عْلِيَّا كُلَّ اصْحَابِي
تَعْرَفْنِي مَنْ دُونَ اسْرَارْ
أَسْأَلْهُمْ وَ اسْأَلْ جِيرَانِي
وَ اسأَلْ كَلَّ اغْرَابَ الدَّارْ
تَعْرَفْ أَصْلِي تَعْرَفْ فَصْلِي
تَفْهَمْ أَنِّي وَلْدَ اخْيَارْ
--------
أَنَا لِّي بَرْنُوسِي يَتْكَبَّرْ
مَنُّو كُلَّ الدَّنْيَا تْغَارْ
أَنَا لِّي كُلَّ النَّاسَ احْبَابِي
وَلِّي عَادَانِي يَحْتَارْ
أَلْفَرْسَهٰ تَهْوَى بَارُودِي
نْمُوتْ وُ مَا نَحْمَلْشَ الْعَارْ
وَ لِّي نْمَسُّو يُسْكُتْ حَسُّو
يَرْكَعْ كِي سَاقَ النَّوَّارْ
--------
وَرْدَ مْقَطَّرْ وِيزَ مْعَيَّرْ
كُلِّي إقْدَامْ وُ إصْرَارْ
فُمِّي مَا يَنْطَقْ بَالعِيبْ
وُ قُولِي كُلُّو بِيتَ اشْعَارْ
كِي نَهْدَرْ نُذْكُرْ بَالْخِيرْ
وُ نُشْكُرْ رَبِّي بَالقُنْطَارْ
بَصَّحْ لَا بَانُوا نِيبَانِي
أُسْتُرْ! أُسْتُرْ يَا سَتَّارْ
---------
بَدْوِي نَعْشَقْ فَالبَرْبُوشَة
نَشْتِي نَاكُلْ فَالفُخَّارْ
نَهْوَى الزَّرْبِيَّة المَفْرُوشَة
وَ رْفِيسَ الرَّنَّة وَ الحَارْ
كِي تَطْحَطَّ الْمُولُوخِيَّة
بَالْأَرْنَبْ كُلِّي نَنْهَارْ
مَانِي مُكْرَاشْ وُ لـَٰكِنِّي
نَعْشَقْ مَكْلَاتْ الدُّوَّارْ
---------
حُرُّ وُ كُلَّ عْبَادَ الدَّنْيَا
خُوتِي مَا عَـٰدَا الْكُّفَّارْ
تَلِّي، ظَهْرِي، عَرْبِي، شَاوِي
خَابَ لِّي فَرَڨْ لَحْرَارْ
خَاوَا حَتَّى كُونْ يْمُوتُ
وُ يَتَّحْرَڨ، غَدْوَا بَالنَّارْ
مُوتُوا مُوتُوا يَا عَدْيَانِي
بَالغِيرَه وْ ضغْطَ الدَّمَّارْ
---------
فريد مرازقة - 10 جانفي 2018